سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
 |  موضوع: فضفضة  الجمعة 22 يناير - 8:48:09 | |
| بسم الله الرحمن الرحيم
هوة موضوع كان اصلا بيتكلم عن نهر النيل والزراعة فى مصر بس لقيته اخد منى اتجاه تانى خالص والله انا كنت عايز انزل الموضوع بالكامل بس صراحة معجبنيش منه غير الجزء ده بعد ما خلصته فقررت انزله كدة كما هو وسميته فضفضة يارب يعجبكم
ليه زرعنا دبل والخضرة مبقلهاش وجود دمرنا إراضينا واللى دمروها بكرة يجى أجلهم ويكلهم الدود . كانو سابو خير البلد لسة إجيال جاية شقيانة فى الغلا المعيشى . ضاع رزقهم ليه. وبارت الارض ومات الفاس وسعينا ورا الكنوز وباظت النفوس عشان خاطر فلوس ضاع كنز ملهوش أخر خضرة ومية وفاس يشق الأرض شق . يطرح سنابل قمح نجمعها. نبل جوفنا. سكتنا كتير موتنا خوفنا . ولسة ياما هنشوف . بعنا الصناعة والمصانع ويعالم مين كان الشارى من أنهى ملة ومن أى أصل ومن أنهى دين . مصريين ولا غربيين وياريت يفزر الشاطرين . لما غريب مش من بلدك يشترى أرضك ده يبقا أيه . لما يتعافى من ضرايبه حقك ورزق عيالك يبقى ايه .. لا متقولش ده مستثمر . خير بلدك ليه مش ليك يامصرى. بيبيعو بلدك وأنت شقيان وسارح بعفيتك تدور على لقمتك. محتاس فى دنيتك مش عارف أى شىء غير خطوتك. ولا انته سامع ولا شايف ولا دارى كاتم جوايا وساكت وده وقت الكلام كفاية بقا حرام
داليا : اهدى يا هيثم ايه منته كنت بتتكلم كويس إيه جرالك
هيثم: كنت ذى ناس كتير مش عارف اى حاجة. من بيتى لشغلى ولا بفتح مجلة ولا بقرا جرايد. ولا لية فى السياسة. ولا بفهم فى اقتصاد. تعبت من شغلتى 12 ساعة شغل و4 فى الموصلات وفى الاخر 300 : 400 ميكفوش أكل فول وطعمية والشهر يجر شهر وسنة بعد سنة ضاع شبابى معملتش اى حاجة. قربت على ال 30 محتاج مصباح علاء الدين. عشان أجيبلى شقة وأكمل نص الدين. وفاضل سؤال صغير عمال مصر بنيئدمين ؟
داليا : اه طبعا بنيئدمين.
هيثم : لما العامل يشقى 16 ساعة برة بيته يتقال عليهم بنيئدمين؟ وخصوصا لو كان عايش وسط جماعة ده عيالة يبقو متيتمين.!!! حاضر غائب هوة أيه مبيوحشهوش أبنه ضناه صحيح مهو بيشقى عشانه بس زمانه سايب أبنه غريب أحزانه أبنه يجى في يوم ويقوله نفسى يابابا أقعد وياك نفسى أتكلم مرة معاك نفسى أخرج مرة فى أيدك. وصحابى يشفونى وياك. أيه رأيك فى القصة دهية.
داليا : بس دموعى ملية عنية أرحم أهلى هوة أنا نقصاك.
هيثم : أيه مالك أول مرة أشوف دمعاتك.
داليا : بابا كان عامل جمعية عشان مصاريف الكلية. وكل يوم سهران فى الشغل عشان مصاريفنا المرازية. فجأة وجالو السكر ويا الضغط. حصرة عليه من كتر العصبية والشخط. يعمل ايه مهو نفسو يشوفنى مقلش عن زملاتى اللى فى الجامعة. وكل يوم أشوفه وأحوش من عينى الدمعة.
هيثم : لا حول ولا قوة الا بالله. طب ركزى أنتى فى دراستك هية وحدها بس شهادك. ترجع ضحكة بابا من تانى وتضيع كل الأحزان.
داليا : أركز ايه وانا شايفة والدى بيتعزب. يلعن يوم مدخلنا مدارس واتعلمنا. انا صحة ابويا بالدنيا.
هيثم : لا أعقلى متجنينيش فاضل سنتين بس دراسة ويهون بعدها كل الزل. والدك يرفع راسه من تانى يفرح بيكى فرح العمر. ركزى بس أنتى فى دراستك أوعى تغلطى غلطة تندمى بعدها طول العمر.
داليا : طيب حاضر.
هيثم : بس خلاص الدمعة دى تانى مشوفهاش. أوعى فى مرة توطى فى راسك خلى كفاحك هوة خلاصك ربنا حاسس بينا وباصص هيقوينا بقيت العمر.
| |
|
dr.mishmish
عضو فعال
عدد المساهمات : 117
تاريخ التسجيل : 13/08/2009
العمر : 35
| | موضوع: رد: فضفضة السبت 3 يوليو - 23:21:04 | |
| أوعى فى مرة توطى فى راسك خلى كفاحك هوة خلاصك ربنا حاسس بينا وباصص هيقوينا بقيت العمر.[b] | |
|
شكراً
