سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
 |  موضوع: ايمان بكرى  الإثنين 28 سبتمبر - 13:33:23 | |
|
اسم القصيده مفيش حاجه وهيه باللغه العاميه للشاعره الكبيرة
ايمان بكري
مافيش حاجة
مانيش عايزة خلاص حاجة
ولا محتاجة انا لحاجة
ولو عايزة صحيح حاجة
مخليتوليش ولا حاجة
عموماً بصوا فيهحاجة
هقولها بسمحتاجة
لعقولتفهم ولوحاجة
مهيش مفهومة اوحاجة
نفسرها بكامحاجة
نوضحها بكام حاجة
وأهى حاجة مع حاجة
هتظهر وتبان لنا حاجة
وانا ما بخفش من حاجة
مانيش مسنودة ولا حاجة
لكن ما بخفش منحاجة
لكن فرضاً لو هقولحاجة
هيحصل إيه ؟؟؟ ولاحاجة
هيعملوا إية ؟؟ ولاحاجة
و بعد الشر بعدالشر
لو واحد منالقاعدين
من السامعين منالضالين
فِهِم حاجةهَيعملوا إيه ؟؟؟؟
اكيدبرضُه ولا حاجة
فنتوكلعلى الستار لوجه الله نقول حاجة
فيه ناس بتعيش علشان حاجة
وناس بتموت علشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة
وناس تكبر تكون حاجة
و ناس تصغر علشان حاجة
وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة
كلامى يا خلق فيه حاجة؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجة
ما انا ما أقدرش أقولحاجة
صحيح نفسى أقول حاجةوميت حاجة
لكن مش قادرةاقول حاجة
لأنى لو هقولحاجة
هييجى ناس بتوعحاجة
وياخدونى ورا الحاجة
وهو لو سمعحاجة
هيعملوهالى ميت حاجة
عموما بصو لو واحدمن القاعدين
عاوزنىأبلغه بحاجة
يقول مايخفشمن حاجة
نعم فيهإيه؟
لالالالالأ مافيشسرقه
ولا تهليب ولا تهريبولا حاجة
وبتقول إيه
مصمصوا إيه؟ وخصخصواإيه؟
ده كله كلام مفيشحاجه
قضيةإيه؟
ياشيخ روح خلاصمافيش حاجه
حرامىإيه ؟ ولَكّح إيه؟وهرب إيه؟
شــفـافـيـه ومافيش حاجة
وبتقول إيه؟لالالآلأ عـــيب
لافيهتدليسولاترقيص
ولا تدبيسولا حاجه
سمع معهووووس
انا حاسسة انهفيه حاجة
دقيقة سكاتلَتبقى حداد
انا حاسسهانه فيه حاجة
زمنكواياخلق فيه حاجة
ولازمواكام وميت حاجة
ده لو يعنىإذا كان فيه حاجة
انا عننفسى مش حاسسة ولا بحاجة
ولا متضايقة ولا حاجة
سعادتك برضه مش زيـى مافيش حاجة ؟
أهـه بيقول مافيش حاجة
جنابك برضه مشزَيـىِ وعلشان زيي مافيش حاجة
أهـه بيضحك بيقول مافيش حاجة
ما أنا قولتلكو من الأول مافيش حاجة
عليا النعمه يااخوانا مافيه حاجة
ورحمةابويا ويا أبوك على إللّى جابوك ما فيه حاجه
وعهد الله . وعهد الله. وعهدالله
ما خللولنا ولا حاجه
بقلك ايه خلاص خلص وفركش
يلا يا اخونا مفيشحاجه
وهذه قصيدة اخري للشاعره الكبيرة ايمان بكري وهيه باللغه العربيه الفصحا
زمن تكلب والكلاب تكلبوا
جيش تجيش والذئاب تكالبوا
من كهفهم حكموا البلاد فأسهبوا
وتصدعت أوجاعنا لم يرأبوا
نصف الرجال تزوجوا وتحجبوا
والنصف ينتظر السماح لينجبوا
فتقدمي يا عبل·· مرمى زينب
بشراكم·· بشراكم
هذا دمي فلتعبروا
وتجرعوا
وتعاقروا حتى الثمالة·· أبشروا
ما عاد في قلبي انبعاث
فانثروا ذراته عبر الجحيم
تنفسوا أوجاعه
ثم انفذوا
بين اشتعال الجرح
بين حرائقي
جسر جليدي
ونهر من حريق
فتراقصوا في مرقص الطغيان
واحتلوا المنافذ
والنوافذ
والطريق
إنا على سجادة الدعوات
ننتظر المسافر
والبريد
ونخبئ الصلوات خلف ضلوعنا
ويؤمنا أنصاف آلهة
على أقدامهم تنسل قافلة العبيد
فلتسكتوا جوعى النسور بنطفة من لحمنا
وبجرعة من حلمنا
لا·· لن تثور الثائرة
نحن لها عند المخاض عباقرة
عند الفرار جبابرة
فلتدخلوا كل البلاد الى محيط الدائرة
وتجرعوا دمنا النبيذي المراق
من الفرات··
الى حدود القاهرة
تقول الشاعرة في قصيدة أخرى:
فلتقرؤوا هذا الخبر
قبل انعقاد المؤتمر
فأنا الأكاليل·· العذاب
أنا الوجود
أنا الغياب
أنا النبوءة والمطر
نصر على كف الحروف
أنا النوازف والسيوف
أنا الوليد
أنا عمر
أنين سنبلة عوت بكفها
بعث لفجر منتظر
مدن الحصار مدائني
وأنا الدموع الشاخصات
أنا القصيدة والضجر··
وأنا الرمادي الموحد في الرماد
أنا الضياء المشرئب على شواطئ تفتقر
ديك الأساطير محنط
فوق أعلاف السنين
أنا تلال الياسمين
وأنا العجائز والصغار
وأنا بريد الانتظار
تحتل ذاكرتي الرياح
دمي تفقسه الرماح
أنا المباح لكل طاغية عبر
| |
|
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: ايمان بكرى الإثنين 28 سبتمبر - 13:44:57 | |
|
يا حمار
بيقولو فى مطرب مكار بيغنى بحبك يا حمار
الواد ده وصولى وكداب ومنافق وكمان معار
واشمعنا لوحده اللى يحبك كوووووووولنا بنحبك يا حمار
ده لانك فعلا متفاهم ومبرطع فينا ومش فاهم
وبتبعد عن اى تفاهم بعزيمة غبية واصرار
فى عشرة ما بنا مابتهنشى وان هانت بردو منقدرش
محكمة العدل متحكمشى وان حكمت هتولع نار
مثلتو علينا الثلاثية ببطولة وكانت جماعية
وعشان ما هتكمل سداسية عملتو الف حصار وحصار
وفى وسط ميدان الحرية فى شعلة مسكاها ولية
متكنش ديه ليزا المخفية مدية اشارة انذار
وعلى العموم انا حبيتك والاهى يا بعيد يخرب بيتك
لو يوم هتشك فى اخلاصى وتصدق نمل الاشرار.
هوة سؤال ومفهش هزارهوة انته يعنى حمار يا حمار
عشان تصدق ان الفار ممكن يقول لاسد يا حمار
وبعهدك والعهد امانة هتنك على طول ويانا
حموريت اهلك عجبانا يا وخدنا مالدار للنار
كل الحميرة هنا عملو التيم واتفقو انك بغل عظيم
وهيفرقو شربات برسيم عالعربخانة وعالزوار
ارجوك يا حمار بس افهمنى انا مش حمار حتى اكمنى
دنا بردو حمار واحمر منك متنهق قول اى حوار
بنقولك شى مبتمشيشى والحاه بنقولها مبتجيشى
ونقولك هس مبتهسش ومكمل بينا المشوار
وعشان كدة طبعا حبينك كلنااااااااااا
بنحبك يا حمار
دستور
بنقول دستور يا خولنا يا بعده لا سورى دستور م البعدة
محبوس حابس يا سيدنا وبكاكى من فوق مدنا
وورايا ديوك بيكاكو حرسو عالباقى معاكو
بركة مولانا هولاكو حلت وعلينا اللعنة
طرطور طرطر طراطيربيغيرو فى الدساتير
ولا عاد فى الحته كبير ويا وارث تورث مين
مالورث اتباع واتبعنا نرجع تانى لموضوعنا
وبيان لديار الافته من جمهورية زفته
لعبة وعملوها استفته صوت يالى انته سامعنا
وقول ملكون ولا كتابة اسدً شبلونً فى الغابة
واحلف وحيات راس بابا زفة فى مولد كدابة
والله يجازى اللى خدعنا للجوكر الف تحية
ملعون خاشى الحرية يحى قانون العبودية
والحكومات الشمولية والقوانين الوضعية
لها منى الف تحية وحياة امى دى رجعية
لو صوتنا على وجعجعنا
واحد ومفيش غير هوة اعد متربع جوة
وبكيفك قرب القوة لو عامل فيها فتوة
روح قول له بقا يودعنا
مزيكا وتربت تو ونفديك بالدم ... افدوه
بس احنا ورحمة ابوه مين ده اللى هيلوى درعنا
روح هاتلى ليمون بالصودا انا حاسة بريحة شوطة
هيصعدو فصل الروضة والورث هيصبح موضة
لم الجدعان واتبعنا على قهوة ساقية مكى
نلطم نصرخ وهنبكى ده نويها وبيتك تكلى
قبل ما حتى يودعنا
ظقططو يا عيل اولو هيه الحكم صبح تيكاوى
لو عايز قول اوكى لو رافض قول اوكى
فى كلا الحلتين نو واى غير كودايوزار ينفعنا
انا عايزة بخور مالجاوى وحمار ارمل وحصاوى
ودراع برغوت مش غاوى طنطيط عفريت ومخاوى
شلة مقاطيع يقطعنا حابس من شر الكرسى
من شر عزيزة ومرسى من قرص النمل الفارسى
مالاحياء والاموات من كايرو الى بغداد
اشتات اشتوت اشتات
حرسو من لعب السيكا مالحكشة ومالبلوتيكا
ولا تشمت يوما فيكا مرشيل بنت امو مريكا
قول حاجة الله يخليكا وادعى معايا يخليكا
حلو بقا عن اوجعنا وانصرفو عليكو اللعنة
انصرفو عليكو العنة .. انصرفو عليكو العنة
| |
|
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: ايمان بكرى الإثنين 28 سبتمبر - 13:48:08 | |
|
قالوا الرجــــــــــــــــــــــــــــــــــال
ان النساء مالهومش فــــــــــى الـوزارات
ونهار ابونا نسا لــــــــــو حكموا الستــات
فى وزارة التموين والاقتصاد بالـــــــــذات
هضيع فلوس البلد فى اللبس والبوتيكات
بالذمة دة اسمة كــــــــلام
يبقى وزيرنا مــــــــــــــدام
واســـــــــــم البعيد فتكات
يختى علية لو مشـــــــــى
يدخل مجالس اشـــــــــى
لابـس قمـيـص شـفـتـشى
مــن كلمة واحدة يختـشى
وينزل صويــــــت وعيــــــات
ياهل العــــــــــــــلام والادب
اقروا التاريخ الــــــــى انكتب
فوق الطريق عـــــــــــلامات
كيلوبــــــــــــــاترا حكمت بلد
بـــالحــيــلة ويــــــــا الجــلــد
من غيــــر لاخــــــد ولا هــات
وكـــــــــــام من وزير كان افة
جــة فـــــــى الطريق واختفة
ولهـــف معــــــــاه الوفــــــات
قصر الكـــــــــلام يتقــــــــــال
من فيهـــــم الـــــــى يـــفـيـد
مــش مســــــــالة عضــــلات
وساعات كتير ستات بيكونوا رجالة
ورجال بطــــــــــــــــــــبع النسااااا
وطالعـلهم شـنـبـــــــــــــــــات
| |
|
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: ايمان بكرى الإثنين 28 سبتمبر - 15:39:30 | |
| صعيدى فى الواى بلاتيشن من أعمال : إيمان بكرى ( باللهجة الصعيدى )
الواد عبده حلولو سيكا
ابن سنية العمشه جارتنا
سلفة الاسطى حماده أميه
غاوى سياسه وهو أساسا
مالهوش عازه
والغبا جوه حبابى عنيه
جاى بيجولى
جولى يا عمى وحزر فزر
واى بلاتيشن تطلع ايه ؟
جلت له يا ابنى ما عرفش غير الدكتيشن
واى بلاتيشين
دى بتتاكل
ولا دى شربه لوجع الركبه ولا دى ايه ؟
جالى يا بويا دى اتفاجيه
واللى ماضوها اخوانا البعدا ولاد الايه
جلت له بس خلاص مفهومه وما تكملش
لا تجول فين ولا مين ولا ليه
المقصود يا ابن المسطوله
بيجى الحال على ما هو عليه
والمتضرر يخبط راسه فى اتخن حيطه
ويبجى ساعتها الحج عليه
واى بلاتيشن ؟
يا نهار أسود
هيه الخلق جرالهم إيه
حوسه لتبجى دى فيها نصيبه
لزمن نعرف إيه اللى وراها
ومعناته ايه
الواى طبعا ودى مفهومه ومعناها ليه
يبجى العجدة فى البلاتيشن
ودى معناها ما هوش مفهوم
بس حجيبها
لو حنجول
ان البلانتيشن م الكبونيشن
والكبونيشن يعنى سافون
شفت يا ولد ما هيش تخاريف
يعنى خلاص مافهاش تصريف
من تصرفها حناخذ ايه
احنا نجول والخلق تفكر
وده حيحذر وده يستفسر وده حيفزر
يفضلوا كده على الحال ده سنين
واحنا نخطط سوا وندبر
كيف حنحلص ع الباجيين
يعنى المعنى فى واى بلاتيشين
بجى متفسر
لساك يا واد بتحذر
يعنى كوشن يا ابن الهبله
ما هواش أنسر
واى بلاتيشن واى بلاتيشن
وحياة رحمة أبويا عويضه
ما عارف ليه
واى واى واى يا كلينتون يا ابن الايه
يا بتاع مونيكا يا كافى أوليه
تعمل كده فى الخلق دى ليه
المحجوج تجوله عفارم
والمظلوم تجيب الحج يا بويا عليه
اياك فاكر نفسك جاضى
جاضى وخايب
حتربجها عليك وعليه
بس أمانه وكلمة حج
عمر الحج ما كانش عليه
المحجوج الخوف والخسه
لما ركعنا نبوس كفيه
واللى نجوله نعيده نزيده
واللى نزيده نحط عليه
نعمل مارش ف شبر وربع
وندى تمام لولاد الايه
وده كليته علشان ايه ؟
متر ف متر يا عالم خردة
وابجى جابلنى لو يتحصلوا حتى عليه
واى بلاتشين واى يا أخوانا
يعنى كوشن وافهموا ليه
جولى يا فالح
منك ليها له ليه
ف الفزوره دى نعمل ايه
واى بلاتشين ؟
واى بلاتشين
وحياة أمى ما عارف ليه
| |
|
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: ايمان بكرى الإثنين 28 سبتمبر - 15:43:43 | |
| ماكرينا
ماكرينا حوالينا وحيقضوا علينا
وبعيد الشر عن السامعينا
صحصح ويايا لحظات يا أخينا
ونفهم اللى مش فاهمينا
دول ماكرينا
ودول ماكرينا
ماكرينا عايشين ويانا
حيخلصوا ع اللى معانا
وبينهبوا فينا وياكلوا شقانا
والحاله جيم والناس تعبانه
دول ماكرينا !!
ماكرينا حكام وباعونا
لديابه فى الضلمه كلونا
حاصرونا ضربونا دوخونا يا لمونه
حالفين ليخلصوا على اللى جابونا
دول ماكرينا !!
ماكرينا جم ضحكوا علينا
بسلام مضروب ورضينا
عملونا حصار قولنا موافقينا
ضربونا بالنار غنينا شاكرينا
للماكرينا !!
ماكرينا بيتكتكوا ليكا
علشان يوم يقضوا عليكا
نفتح أسوقنا لجون وماريكا
باسم العولمه جم غموا عنيكا
دول ماكرينا !!
ماكرينا وده درس خصوصى
بين فك ديابه ولصوصى
حنروح فى كازوزه والنعمه يجوزى
وحنرجع مش ومن غير شوزى
للماكرينا !!
فاهيمنا .. ربنا يهدينا
ولا يوم يتحكموا فينا
ابن جبان ندل ولا ابن لزينه
ده احنا شعوب العالم مساكينا
ودول ماكرينا !!
قول يا سمعان للى ما سمعوشى
وانت يا فهمان للى ما فهموشى
للى اتكلموا واللى ما نطقوشى
خليكوا رجالة ولا طواطوشى
للماكرينا !!
| |
|
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: ايمان بكرى الإثنين 28 سبتمبر - 15:48:49 | |
|
البغبغان
اخر بيان للبغبغان اللي في بلاد العم سام كان بهبهون مافهمنهوس بعبع
وقال بؤين كلام والمعنى ايه ماعرفنهوش
معقول يكون البغبغان اللي تبغبغ من زمان صواميل دماغه اتلخلخو عمال يلخبط في الكلام والعقل عامل شقلبان آم جبله اورطة يمخمخو
عملوا وطن من غير ببان احكموا فيه الغلان ووطن جعان
وازاي ينام والطمعجية كتير وناموا وانتخوا
والبغبغان يكره يموت يسمع سكوت المخروصين
ان قولت بم قفاك يرن عليه ايادي المحروسين
ويجرجروك انت وزووك زي الخروف ويسمعوك لستة كلام يادي الكسوف ما ابوخه
والبغبغان اللي تبغبغ كل من قرب حداه اتبغبغوا جم طرمخوا ع الطرمخان واللي يطرمخ يبسطوا وينغنغوا
وفي مجلس البغابيغ بنلقى البغبغان عمال يبغبغ في الكلام يضحك وهما يسخسخوا
ماتقولش يعني البغبغان اللي في بلاد الالعوبان هو اللي كان بيزغزغو الهي تهدي البغبغان واللي تبغبغ يوم معاه اقصف رقبته ودغدغه
والهي يوم المعمعان القاه هناك ويصير معاه من الباغبيغ اللي افتروا يوم او بغوا ياخلق لأوا ال لأة قوموا اتلحلحوا
شوفوا الكلاب حتى الكلاب لو شافو يوم واحد حرامي بينبحوا
وانتوا اللي مسروق عمركم
وانتو اللي ضايع حلمكم
ولا حتى يوم تتلحلحوا
ونصحتي ليكو تروحو
سبحانه من حكم عليكو البغبغان
تستاهلو ميت مليون كمان
تستاهلو ميت مليون كمان
وان شفتو يوم باغبيغ جايين عشان يدغدغوكو
اتبغبغو...اتبغبغو...اتتتتتتتتبغغغغغبغوووووووو و
| |
|
شكراً
