| كاتب الموضوع | رسالة |
|---|
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
 |  موضوع: رد: احمد فؤاد نجم  الأحد 27 سبتمبر - 22:53:44 | |
| سلام للأرض
سلام يا ارضنا
يا غيطان الفلاحين
يا ورشه الصنايعي
يا بحور الصيادين
يا مدرسه يا جامعه
سلام والدنيا سامعه
يا دشمه يا خنادق
يا مدفع يا بنادق
واقفين والعزم صادق
تردوا المعتدين
ع الحق والسلام
سلام سلام سلام
سلام يا إدين قويه
خشنين وعرقانين
يناموا المغربيه
ويقوموا مبدرين
ويخضروا الجناين
ويطيروا الحمام
ويعمروا المداين
ويضيعوا فى الزحام
سلام يحمي الحياه
وصناع الحياه
ويزيد الانتباه
فى الناس الطيبن
للحق والسلام
سلام سلام سلام
سلام يا ارضينا
يا جنات الزيتون
يا اغلى عندنا
من حبات العيون
سلام نحميه بروحنا
ونصونه فى القلوب
ونداوي بيه جروحنا
احنا
وكل الشعوب
سلام يطرح امانى
ويزوق الاغانى
ويروق الانانى
ويسقى العطشانين
للعدل والسلام
سلام سلام سلام
معتقل القناطر / 1970 | |
|
  | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الأحد 27 سبتمبر - 22:55:54 | |
|
سلام مربع
أول كلامنا وفتح الباب
سلام مربع
للطلاب
يا فرحه هلت وأحنا حزانى
يا ميت حلاوه عليك يا شباب
خمس سنين فاتت
على نار
كرامه " يوك "
وعيشه مرار
ولما حانت ساعه التار
راجعين يقولوا
ضباب وهباب
لكن يامصر خلاص ما بقاش
بكش
يعيش فيكي وبكاش
طول ما الشباب فاكر
ما نساش
والثوره بتدق الابواب
القاهره / 1972
[/b]
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الأحد 27 سبتمبر - 22:59:13 | |
|
ساعة العصاري
ساعة العصاري يا نسايم
والبحر نايم
وأنا هايم
ماشيه الحليوة وخلخالها
يحكي الحكايه اللي ف بالها
يا أبو البنيه
صبرك شويه
وادي الكحيله لخيالها
البنت قالت أشوف بختي
وكفايه فى الحب مناهده
وأعرف نصيبي
عشان يا ختي
يطمن القلب ويهدا
قال الودع لما حكى لها
على الحكايه اللى ف بالها
يادي الصبيه
صبرك شويه
وإدي الكحيله لخيالها
و الحلوة قالت يا نصيبي
هات العدل
ولا تستعجل
دا العمر مهما يمشي بي
تروق وتحلا وتتعدل
والحرة تلبس خلخالها
لايق عليها وحلالها
يا إبو البنيه
صبرك شويه
وادي الكحيله لخيالها
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الأحد 27 سبتمبر - 23:02:44 | |
|
شيد قصورك
شيد قصورك ع المزارع
من كدنا وعمل إيدينا
الخمارات جنب المصانع
والسجن مطرح الجنينة
واطلق كلابك
في الشوارع
واقفل زنازينك
علينا
وقلّ نومنا في المضاجع
أدي احنا
نمنا ما اشتهينا
واتقل علينا بالمواجع
احنا اتوجعنا
واكتفينا
وعرفنا
مين سبب جراحنا
وعرفنا روحنا
والتقينا
عمال وفلاحين
وطلبة
دقت ساعتنا
وابتدينا
نسلك طريق
مالهش راجع
والنصر قريب من عنينا
النصر أقرب
من إدينا
|
|
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الأحد 27 سبتمبر - 23:04:52 | |
| شوبش طرزان
زغروطه للحزب الجديد
حيدمر الحزب إللي فات
ويحطم السكه الحديد
ويربط المستحللات
ويعجز المستقدرين
ويقدر المستعجزات
ويرجع الأيام سنين
ويعيد زمان المعجزات
مع إن طرزان الوليد
ذات نفس
طرزان إللي مات !!
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الأحد 27 سبتمبر - 23:07:44 | |
| شقع بقع
انا الأديب و لا تعرفنيش
تقرالي لكن ما تشوفنيش
كلامي لا هو مادهون ورنيش
و لا المعاني عليها غبار
شقع بقع يا ديل الفار
***
يا شعب مصر يا خم النوم
ما تفوق بقى و تشوف لك يوم
الثورة قامت في الخرطوم
و انت اللي نايم بالمندار
شقع بقع يا ديل الفار
***
يا شعب ثور داهية تسمك
و شيل اصول اسباب همك
عصابه
بتمص في دمك
و الاسم قال ضباط احرار
شقع بقع يا ديل الفار
***
اخدوا اليهود غزة و سينا
و بكرة يبقوا وسطينا
و الراديوهات بتغدينا
خطب و نتعشى اشعار
شقع بقع يا ديل الفار
***
الشيخ امام قال كلمة حق
و الست ثومة قالت لأ
و ابو النجوم على ودنة اندق
في المعتقل و الدنيا نهار
شقع بقع يا ديل الفار
1969م | |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الأحد 27 سبتمبر - 23:09:33 | |
| شجرة لو
يا اماني يا شجره ف بستاني
بتفرع يا ما وتعلو
وبيستناها الفكهاني
ولا تطرح غيركلمه لو
لوأغمض وافتح تانى
الاقينى طاير فى الجو
والشمس عروسه مقابلانى
بالطرحه الدهبي وبالضو
لاخطف طرحتها وفرحتها
وانزل فى اللحظه وفى التو
ابدر انورها واشواقي
ع الارض تنور تحلو
والمس بالكف المتحني
ع الزرع يبشر ويمني
والحب يرعرع
ويغني
والعمر يهني
ويغلو
ويقوموا الناس فى الفجريه
والصبح بيضحك هأ او
والليل بعيونه الحراميه
بيعيط خايف م العو
وامانى كتيره مشاغلانى
ممكن تتحقق يوم او
على راي صاحبنا البستانى
لو تطرح يوم شجره لو
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الأحد 27 سبتمبر - 23:16:56 | |
|
طلع الصباح
طلع الصباح كل الجمال في طلعته
والنور سرح كحل عينينا بفتنته
والطير صدح للمولى جلّت قدرته
الحان جميلة تنعش القلب الحزين
يسعد صباحكم كلكم ياشغالين
الشمس طالعة بابتسامة الاْمل
شعلة ياقوت زي الخدود وقت الخجل
بتقول يا نايم قوم بدا وقت العمل
دي الدنيا خيرها وعزّها للشقيانين
يسعد صباحكم كلكم يا شغالين
يا ولاد بلدنا من جنوبها لشرقها
يا مشمرين عن السواعد كلها
والشمس هلّت بالامل ع الشقيانين
يسعد صباحكم كلكم يا شغالين
طلع الصباح كل الجمال في طلعته
والنور سرح كحل عينينا بفتنته
والطير صدح للمولى جلّت قدرته
الحان جميلة تنعش القلب الحزين
يسعد صباحكم كلكم يا شغالين |
|
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الإثنين 28 سبتمبر - 0:02:17 | |
| ع إللي حاصل
ع إللي حاصل في الحواصل
يا سلاملم
يا سلام
الكلام عايز إذاعه
والوطن عايز كلام
وإلإذاعه مستباحه
للمياعه في الغرام
والبلد آخر مجاعه
والجماعه فى انتخام
وإللي يخشى إنه يمشي
جيم وريه ودال ولام
ينقح الكلمه الرصاصة
ع القصيدة وع المقام
تدوي زي الرعد
تدوش
تهتك الليل واللتام
وينكشف جسم الحقيقة
تظهر اللقمة الحرام
يا سلاملم يا سلام
والوطن عايز كلام
إلإذاعة مستباعه
قول ياعم الشيخ إمام
ما حنا قلنا م البداية
وإنتوا عارفين الختام
حيث وإن الصالة بوظه
والحضور نيام نيام
والمجال فيه ألف قاضي
كل قاضي وله مرام
والشهود نسيوا الشهادة
والقضية والكلام
والقفص بيت الضحايا
والهلالي لما قام
قلعوه روب المحامي
ولبسوه توب لاتهام
والنيابة ع الغلابة
طبقت بند اللجام
يا سلاملم يا سلام
والوطن عايش آلام
وإلإذاعة مستباعه
قول يا عم الشيخ إمام
بينما الحاله نيله
والبلد بالعه الفتيلة
والخواجة بألف حيله
جاي يلغوص فى البرام
يحكوا عن أسطي الفلاسفة
إنه أفتى
ولا أفسى
فى القضية الهيكلية
وإن دي
ما هوش منافسه
وأنت مالك يا أسطي فلس
جاى تحسس أو تلمس
الخواجهة لما فلس
جاب دفاترينه القدام
دشدش الباترينة تبعه
شد شعره
عض صابعه
إنت إيه شأنك تتابعه
أما مخك مش تمام
شالوا هايكل
جابوا علوه
كلهم في الهم بلوي
إنت شوف لك سهره حلوه
بكام قزازاه وجوز حمام
وإحنا شايفين الخواجة
وإللي جايبين الخواجة
وإحنا كاشفين
كل حاجه
وأنت تتنيل تنام
ع الهيافه في الكلام
شوف يا عم الشيخ إمام
خلق فاضية
وعامله قاضية
وهى موضع لاتهام
بينما شهدانا لسه
دمهم أخضر .. ولسه
جرحهم في القلب لسه
بيواجعنا
لو ننام
وإن صحينا
نلقي غابة
ضبعت فيها الديابه
والكآبة ع الزحام
والغلا كاوي الغلابة
والكابه ع الزحام
يحكوا عن واحد صاحبنا
كان أمين دايرة صاحبنا
والدواير
قرع داير
ع الجميع قرن صاحبنا
نزل العداد وهاتك
واعلا
وأنزل بجنيهاتك
خد مراتي
وهات مراتك
كله ماشي يا عم سلام
واما ريحه القرع فاحت
ع إللي باني
وإللي فاحت
والإشاعة
جت وراحت
جابوا تفسير المنام
فضحوا فنانه في زمانها
بعد ما الزمان غبنها
رحنا مصر وجينا بنها
وإحنا سارحين في الكلام
يا سلاملم يا سلام
والوطن عايش آلام
والإذاعة مستباعة
قول
يا عم الشيخ إمام
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الإثنين 28 سبتمبر - 0:05:49 | |
| المحطه
ع المحطه
واللى شفته ع المحطه
طلعت الخفه ام شنطه
سلم الاوتوبيس
بنطة
حته ملعب
والاكاده
فى القوام والحسن
بطه
هى خشت درجه اولي
والكراسي بقت منطه
سابوا تاتيه
وغلب تانيه
والقطيع على اولى خطي
اللى يعلا
واللى يوطي
بص واحد م اللى هما
دمهم فلفل وشطه
شاف صنايعي
فى البريمو
قال لة خش هنا يا اسطي
تانيه انسب للى زيك
دى الحقيقة بلاش مغالطه
لاسطى قال له ياعم روق
دى الحياة تحب المباسطه
وانت شايف
مش مغمض
حاجه ملبن
حاجه قشطة
ولايعنى الكون ح يخرب
لو فقير
يلهط له لهطه
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الإثنين 28 سبتمبر - 0:12:11 | |
|
عيون الكلام
إذا الشمس غرقت
في بحر الغمام
ومدت على الدنيا موجة ظلام
ومات البصر
في العيون والبصاير
وغاب الطريق
في الخطوط والدواير
يا ساير يا داير
يا ابو المفهومية
مفيش لك دليل
غير عيون الكلام
سجن القناطر
1970
على الأرغول
الأوله آه
والتانية آه
والتالتة آه
الأوله آه
والغدر لمن حكم
صبح الأمان بقشيش
والتانية آه
والندل لما احتكم
يقدر ولا يعفيش
والتالته
آه
والحر مهما انحكم
للندل ما يوطيش
الأوله غربتي
والتانيه بلوتي
والتالته كلمتي
أرغول يا أغول
يا أبو النغم موصول
شطره تجيب شطره
والشطره غنيوه
منظومه وحليوه
والسامعين أدرى
والسامعين أشتات
زى النغم مقامات
قسم وغني وهات
وإملا المكان خضره
بالفن والقدره
والأوله آه
والتانيه آه
والتالته آه
ياعم يا قوال
يا أبو الحرير موال
كيفك
وكيف الحال
اغزل وسمعنا
واشطح مع النغمات
ودوس على المقامات
هات إللي عندك هات
لمن تشبعنا
د إحنا الحيارى دليل
مستنظرين مواويل
توصل مع المراسيل
والصهبه تجمعنا
صهبتنا صباحي
طول ما الألم صاحي
يا شوقي يا جراحي
يا حبي يا بكره
يا صحبتي فى الهم
يا شركتي فى الدم
عزوتنا
لو نتلم
ونغني للفقرا
أخضر خضرضر مال
للعشق والموال
وكان أصيل الخال
لكن فقير الحال
شد الرحال فى الحال
جاب البلاد رحال
ينزف على الأرغول
دم الصبا سلسال
أخضر خضرضر مر
على كل بحر وبر
داق الشتا فى الحر
والعشق له أهوال
رجع صاحبنا حزين
يقعد مع المساكين
ويغني للعاشقين
ويقسم الموال
يا ليلي آه يا عين
يا عم يا جمال
ترعى جمالك وين
وأنت فقير الحال
يا ليلي آه يا عين
والمرعى للأندال
يا ليلي آه يا عين
يا عم يا جمال
والصبر مهما طال
ما حتنفتلش حبال
إذ لم قلوب وإدين
يتمدوا ع الشطين
ويعمروا العيارين
ويطخوا راس المال
والأوله آه
والتانيه آه
والتالته آه
القاهرة 1974
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الإثنين 28 سبتمبر - 0:16:43 | |
| على الربابة
على الربابة
أصلي ع النبي قبل البداية
نبي عربي مشفع فى البرايا
واسلم بالوتر والقوس عليكم
ياكل السائرين ع الشوك معايا
يقول الشاعر المجروح فؤاده
من الاندال
ومن دق الرحاية
غرامي بالحروب يسبق كلامي
وآملي فى الشعوب
يخلق غنايا
وعشقي للكلام
غالب سكوتي
وكرهي للسكات
جالب شقايا
يقول ابن العرب
والجرح نازف
صديد الذل
ودموع السبايا
ونار الغل
من أيلول ويونيه
وريق المر من طعم الرزايا
رضانا بالقليل والخوف
رمانا
لحكام المواكب
والهفايا
وبيع الأرض بالعرض لعدوي
على عينك يا تاجر فى المرايه
وايه بعد المسيرة الهاشمية
على درب الخيانة للنهاية
**
يا شعب العرب
يا ابن الفوارس
يا رافع للنضال بيرق وراية
يا واهب للزمن
أيام وضية
بنور البذل
والجود والعطايا
صلاح الدين
ينادي من منامته
على النايمين
على دم الضحايا
لاأنا منكم ولا إنتو من ولادي
إذا رضيتم
بغير النصر غاية
ولا غير السلاح فى الحرب
يحكم ويحسم
فى المشاكل والقضايا
سجن الاستئناف / 1973 | |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الإثنين 28 سبتمبر - 0:51:39 | |
| على الضريح
السكه مفروشه
تيجان الفل والنرجس
والقبه صهوة فرس
عليها الخضر بيبرجس
والمشربيه عرايس
بتبكي
والبكا مشروع من ذا إللي نايم وساكت
والسكات مسموع
سيدنا الحسين ؟
ولا صلاح الدين ؟
ولا النبي ؟
ولا الإمام ؟
دستور ياحراس المقام
ولا الكلام بالشكل ذا ممنوع ؟ !
على العموم
أنا مش ضليع
في علوم الانضباط أبويا كان مسلم صحيح
وكان غبي
وكان يصلي ع النبي
عند الغضب
والإنبساط !
أبويا كان
فلاح تعيس
فى ليله ظلمه
خلفوه
وف خرقه سودا
لفلفوه
وف عيشة غبرا
طلعوه
وف عشه ما يله
سكنوه
ولصموه
وطلسموه
ودجنوه
وجهزوه
وجوزوه على عماه
فكان محير في هواه
ما بين أمي وما بين الجاموسة وكان يخاف
يقتل ناموسه
وكان خجول
خجول
خجول
لكنه كان دايما يقول
أستغفر الله العظيم
من باب الاحتياط !
أبويا طلعتوه حمار
فكان طبيعي
يجيبني جحش
لا أعرف نبي
من أجنبي
ولا مين ما جاش
ولا مين ما راحش
موسى نبي
أبوه نبي
عيس نبي
أبوه نبي
كمان محمد كان نبي
ويا قلبي صلي ع النبي
وكلنا نحب النبي
وكل وقت وله أذان
وكل عصر وله نبي
وإحنا نبينا كده
من ضلعنا نابت
لا من سماهم وقع
ولا من مرا شابت
ولا انخسف له القمر
ولا النجوم غابت
أبوه
صعيدي وفهم
قام طلعه ضابط
ضبط
على قدنا
وع المزاج ظابط
فاجومي من جنسنا
مالوش مرا عابت
فلاح
قليل الحيا
إذا الكلاب سابت
ولا يطاطيش للعدا
مهما السهام صابت
عمل حاجات معجزه
وحاجات كتير خابت
وعاش ومات وسطنا
على طبعنا ثابت
وإن كان جرح قلبنا
كل الجراح طابت
ولا يطولوه العدا
مهما الأمور جابت
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الإثنين 28 سبتمبر - 0:54:58 | |
| على حسب وداد جلبي
على حسب وداد جلبي
ومزاج البلديات
أبعد م الشين
واتاخر
وإجول للزين
سلامات
على حسب وداد جلبي
على صهد الآرض السمرا
أنا أبوي النيل
سواني
ممصوص
وخشن من بره
زى الطينه إلآسوانى
وألخضره ف جلبي وجلبي
دايما على طرف لساني
ولساني حصاني رماني
وتعبنى كتير وأذاني
ياما جابني
وياما وداني
من جوله فى الحكايات
على حسب وداد جلبي
على بحر النيل يا جناوي
ضليله وجلة ميه
وناسات ع يجولوا حكاوي
ع تخلي اللجمه هنيه
وشطوط مزروعه غناوي
وغيطان ألحان مرويه
وألزين يغزل مواله
من كلمه عمه وخاله
وأنا زى ناساتي ما جالوا
لفيت الجول حكايات
على حسب وداد جلبي
القاهره / 1964 | |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الإثنين 28 سبتمبر - 0:57:11 | |
| عنيكي
وعنيكي سكة سفر
في الصحرا .. والواحه
والشوق .. ودنيا السهر
لانوم .. ولا راحه
ولا الرموش السود
بينادوا ع الموعود
وانا اللي خدني الغزل
ع الجنه طوالي
وشربت نهر العسل
وغزلت موالي
وسهرت فيكي الليل
والناس تقول يا ليل
ورجعت سكة سفر
في الصحرا .. والواحه
في عنيكي
وانا باقول يا ليل
ولكل عاشق ليل
يا جنه الملتقي
مين فات سأل عنا
ومين عطف بعدنا
ع الورد .. يا جنه
من لحظه كنا سوا
والعشق كا تباريح
ورجعت سكة سفر
في الصحرا .. والواحه
في عنيكي | |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الإثنين 28 سبتمبر - 1:01:15 | |
| عم السيد
- عم السيد
- سيد ليه ؟
- كل ما يمشي يلقى جنيه
- يعمل ايه
- زي البرق يدوسه فى جيبه
- طب ما يجيبه وياخد بيه
- ياخد أيه
- ننقش له الورد ف منديله
- ودا بيشم
- نعصر له الورد ونسقي له
- شرب السم
- طب احسن حاجه نغنى له
- ترا لرا لم
- فرخه خالتى مباركه
- ما لها
- فيها الخير و البركه
- ليه
- تزمط كل ادان
- ايه
- بيضه ورا اللقان
- هيييه
- خالتى مباركه تاخدها
- هييه
- وتطير على الدكان
- ليه
- تقضي المونه والكمونه
- والينسونه و الدخان
- نعمه جزيله يا حاجه مباركه
- فرخه فيها الخير البركه
القاهرة / 1966 | |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الإثنين 28 سبتمبر - 1:04:59 | |
| عدى الهوي
عدى الهوي عدى
ميل هنا وهدى
شاور برمش العين
ردوا عليه قلبين
قلبين وأنا منهم
آه م الهوى ومنهم
قلب أنكوى ولا تاب
والتاني حن وداب
وبعد صبر سنتين
طلع الهوى كداب
لا جاب ولا ودا
عدى الهوي
عدى
معتقل القناطر / 1971
تم بحمد الله وسيتم اضافة اى جديد لشاعر البندقية احمد فؤاد نجم او عم نجم
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الإثنين 28 سبتمبر - 15:40:50 | |
|
آخر حاجة للشاعر المصري أحمد فؤاد نجم
طاطي راسك طاطي طــــاطي
انت ف وطن ديمقراطـــــــي
انت بتنـــعــــم بالحــــــــــرية
بس بشرط تكون مطاطــــــي
* *
لما تكون شغــال بذمــــــــــة
خايف على مصــلحة الأمــة
شغلك يطلع من غير لازمــة
علشان مبيعلاش غير واطي
طاطي راسك طاطي طاطـــي
انت ف وطن ديمـــــقراطي
**
لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــها
مسنود بالبدلة الظباطــــي
طاطي راسك طاطي طاطـــي
انت ف وطن ديمـــــقراطي
**
لما شــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
انت ف وطن ديمقراطـــــــي
* *
لماتلاقي بـــــلاد الـدنـيـــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطــــي
طاطي راسك طاطي طاطـــي
انت ف وطن ديمقراطــــــي
**
لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطــــي طاطي
انت ف وطن ديمقـــــــراطي
**
لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
انت ف وطن ديمقراطــــــي
انت فبلد ديمقراطى
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الخميس 1 أكتوبر - 10:39:43 | |
| شعبان البقال
شعبان البقال
عقبال الأنجال
اتوظف واتنظف
واتعدل له الحال
...
من بعد الجلابية
والفوطة الدبلان
ف رقبته المهرية
من هبش الأكلان
والدوخة الأزلية
والنوم في الدكان
بقى صاحب عربية
وعمارة وسكان
...
تلقاه للصبحية
سهران ع الكونكان
وينام للصبحية
كبقيت الأعيان
وسألت الخضرية
وبتوع الدخان
ع الحكمة الإلهية
ف نظافة شعبان
وعرفت أن أخانا
شعبان بن بهانة
اتجوز فنانه
واتعين فنان | |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| |
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الخميس 1 أكتوبر - 10:53:42 | |
| أنا مصرى
أنا مصرى أبن مصرى وليا الشرف
برغم المهانة برغـــــــــــــــم القرف
برغم الزبالة اللى مالية الشــــــوارع
برغم الفســـــــــــاد اللى بيه أعترف
سمو معـــــــــــــــالى رئيس الوزارة
نتيجة موظف بسيـــــــــــــط أنحرف
برغم المجاعة اللى داخلين عليهــــــا
وفينا اللى عـــــــايش حياته فى ترف
برغم البطــــــــالة فى أوضة وصالة
برغم أن أخر جنيـــــــــــــه اتصرف
برغم طـــــــــــابور الصباح السخيف
وكل منايا يادوب كــــــــــــــام رغيف
برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف
برغم إنى شايف بــــــــــلاوى وساكت
وعايش مطنش كـــــــــــــــــأنى كفيف
برغم وزارة رئيسهـــــــــــــــا حرامي
وشوفوا البجاحـــــــــــــة يقولوا نظيف
برغم الســـــــــــلام اللى غرقت بناسها
برغم العيـــــــال اللى ساكنة الرصيف
برغم حكومة شعـــــــــــــارها الكلام
ورغم رئيسنــــــــــــــــا عليه السلام
ورغم أن كله يــــــــــــــا عالم بيغلى
إلا كرامتى بترخص قــــــــــــــــوام
برغــــــم إنى عايش في بلدى فريسة
ووجبة شهية لبعض اللئـــــــــــــــــام
برغم أن كـــــــــــــل تاريخك يا بلدى
فعهد جنابه كـــــــــــــلام فوق رخام
برغم ده كله يــــــــــــا مصر بحبك
وطظ فيهم ودا آخر كلام
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الخميس 1 أكتوبر - 11:04:17 | |
| النعمة فاقت حدها
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
(بخيار)حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الخميس 1 أكتوبر - 11:08:08 | |
| غنوة جديدة لغزة
شي لله يا لغزاوية
يا وجع الأمة العربية
لا انتوا حماس ولا عباس
فلسطين هي القضية
شي لله يا لغزاوية
شي لله وعلى دلعونة
حكمونا ولاد الملعونة
والآخر خانم وباعونا
للسمسار والصهيونية
شي لله يا لغزاوية
شي لله وانتوا لوحديكوا
الله ينصركوا ويهديكوا
ويدمر دولة أعاديكوا
والأيام أهي رايحة وجاية
شي لله يا لغزاوية
شي لله ولا عادش رجوع
ويّا الخاين والجربوع
الأطفال ماتت م الجوع
والعطشان مش لاقي المية
شي لله يا لغزاوية
شي لله على أحلى كلام
ناس تصحى والأمة تنام
يعني قفاك يصبح قدام
يا لعربي وتركب عربية
شي لله يا لغزاوية
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الخميس 1 أكتوبر - 11:11:46 | |
| ماله الريس
.......................
أنا مابخفش وحفضل أقول
كلمة حق عليها مسؤل
إن الريس راجل طيب وبشعبه دايماًَ مشغول
مشغول إنه يلم فلوسهم
بره سويسرا يحوشهلنا
وف حسبات سريه يشلها ....نفسه يأمن مستقبلنا
شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحه تبقي عواله ؟؟
أما حكاية المنتجعات
ليه بتسموها معتقلات ؟؟؟؟
ليه الظن...... وسوء النيه
نفسه يفسحكوا يا بهوات
أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال
والله إنتوا ظالمين الراجل
ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله ؟؟؟
| | |
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الخميس 1 أكتوبر - 11:18:51 | |
| عزيزى المواطن
عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال
بلاش المناكفة و لايم و عيش
هتتعب معانا و سهمك يطيش
ونلفق لاهلك قضية حشيش
تعالى و هاودنا و عدى الامور
و عيش فى الطراوة و خش الطابور
لكن لو هتزعل و دمك يفور
هتعرف نهايتك فى بحر ووابور
وبعد ما كنت فى نفسك امير
هتصبح حرامى و ندل و اجير
و نقدر نلخبط فى اصلك كتيير
و جدك شحاتة هيصبح شامير
هيحلف حبايبك انهم شافوك
بتقبض يا خاين و تقتل اخوك
ساعتها مراتك هتلعن ابوك
و تلطم و تنعى ولادك وابوك
مالكش انت دعوة بأية اللى ضاع
و مين اللى شارى و مين اللى باع
و مين اللى كيل و مين اللى شال
ومين بكرة يركب اعناق الرجال
اعقل وحب الحكومة و حب السلام
و علم ولادك يشدوا الحزام
علشان بكرة ياكلو بط و حمام
و ينسوا الاسية وحتى الخزوق
فلازم يا صاحبى تغمض عنيك
و طنش علينا نبشبش عليك
و اياك تثور لنقطعلك ايديك
ويصدق عليك اللى قال فاللى زيك
لا ارضا قطعت ولا ظهرا ابقيت
عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
| |
|
| | |
سمارة ابن النيل
المـديـر العـــام
عدد المساهمات : 331
تاريخ التسجيل : 13/07/2009
العمر : 43
الموقع : https://nhm-net.ahlamontada.com
| | موضوع: رد: احمد فؤاد نجم الخميس 1 أكتوبر - 11:30:58 | |
|
حرنكش
......................
عليا الحرنكش ياريس مبارك
فى عصر مزركش ملون بنارك
لابايعك وابايع حكومة حمارك
ملعون ابو اللى يقدر يقاطع قرارك
نهاره مقندل وليله مبارك
فهمبك وهجص وطلع فى ...
اكيد هو طالع يشاهد جمالك
جمالك مبارك
سوزانك سوزاننا
يامحلا حصارك لمصر اللى جالنا
نسيمها فى عصرك بيشوى فى بدننا
اؤيد وابايع فخامة جلالتك
وايد اى واحد بيمسح ريالتك
ولانك سر باتع هاننسى هبالتك
فاقعد ياريس ودلدل .....
حمامة السلام حمامتك ياريس
سلامة الحمامة وسلامتك ياريس
على تل مصر ياريتك تهيص
خرابه فسيحة عليها تمتيس
واامر تطاع فشعبك مفيص
| |
|
| | |
| | احمد فؤاد نجم | |
|
شكراً
.gif)
بمناسبة عيد ميلاد الريس
